Quva tumanidagi jismoniy va yuridik shaxslar muammolarini o‘rganish va hal etish maqsadida Quva tumani hokimi Xalimjon Umarov hamda sektor rahbarlari ishtirokida tumandagi Chilon MFY binosida sayyor qabul o‘tkazildi. O‘tkazilgan sayyor qabulda tuman hokimi o‘rinbosarlari va mas‘ul tashkilot rahbarlari ishtirok etdilar. Ochiq va samimiy muloqot tarzida kechgan qabulda kommunikasiya tarmoqlarini yaxshilash, moddiy yordam, bandlik, tadbirkorlik faoliyatini rivojlantirish, imtiyozli kredit olish va shu kabi boshqa masalalarga oid 41 ta murojaatlar ko‘rib chiqildi. Qabul davomida 28 ta murojaatlar mas‘ullar tomonidan joyida ijobiy hal etilib, 8 ta murojaatlar yuzasidan huquqiy maslahat va tushunchalar berildi. Muddat talab etgan 5 ta murojaatlar belgilangan tartibda nazoratga olinib, qisqa muddatlarda ijobiy hal etish yuzasidan tegishli ko‘rsatma va topshiriqlar berildi