Appeals of legal entities and individuals received through the website
Total appeal: 38Statistics phone helpline
Расмий муносабат
2024-01-07 13:04:56 158
Ижтимоий тармоқлар орқали Қува туманида жойлашган “Хўжа Чилгиз ота” дафн этиш жойида арча дарахтларининг кесиб юборилганлиги бўйича чоп этилган мурожаатни ўрганиш мақсадида масъуллардан иборат ишчи гуруҳ томонидан жойига борган ҳолда мавжуд ҳолат ўрганилди.
Ўрганиш давомида қуйидагилар аниқланди.
Жумладан жорий йилнинг 5 январ куни туман ободонлаштириш бошқармаси, маҳалла фаоллари билан биргаликда мазкур қабристонда ҳашар йўли билан ободонлаштириш ва тозалов ишлари олиб борилган.
Ҳашар тадбири давомида ҳудуд бегона ўтлардан тозаланган, қабрларга олиб борувчи йўлаклар тартибга келтирилган.
Шунингдек маҳалла фаоллари ва оқсақоллари томонида ўзаро келишиб, масъул идораларнинг тегишли руҳсатисиз қабрларга яқин жойга экилган дарахтлар томирлари қабрларга шикаст етказиши, қор-ёмғирли кунларда қабрларга сув тўлиб қолиши мумкинлиги учун айрим қабрларга яқин жойдаги арча дарахтларни кесишган.
Ҳолат юзасидан Экология, атроф-муҳитни муҳофаза қилиш ва иқлим ўзгариши бошқармаси Қува тумани бўлими томонидан масъуллар ҳамда мазкур дарахтларни кесган шахсларга нисбатан тегишли чора кўриш юзасидан белгиланган тартибда хужжатлар расмийлаштирилиб, туман прокуратурасига тақдим қилинди.
