1. Бош сахифа
2. Янгиликлар

ҚУВА ТУМАН ҲОКИМИ ОЛИЙ ТАЪЛИМ МУАССАСАЛИРА КИРИШ ИМТИҲОНЛАРИГА ТАЙЁРГАРЛИК КЎРАЁТГАН ЁШЛАР БИЛАН УЧРАШДИ

×

Қува тумани ҳокими Х.Умаров тумандаги “DIAMOND VALLEY” нодавлат таълим муассасасига ташриф буюриб бу ерда Олий таълим муассасига кириш имтиҳонларига тайёргарлик кўраётган ёшлар билан учрашди. Муассасада айни пайтда 20 нафардан ортиқ ёшлар иш билан таъминланган бўлиб, мактаб ва коллеж битирувчиларини олий таълим муассасаларига тайёрлаш, касб-ҳунар ўргатиш, ишчи-ходимларни тайёрлаш ва малакасини ошириш, чет тилларини ўргатиш йўналишлари мавжуд. 

Муассаса қисқа вақтлик фаолият давомида 300 дан ортиқ битирувчиларни юртимиз ва қўшни мамлакатлардаги олий таълим муассасаларига давлат гранти ва тўлов-контракт асосида талаба бўлишларига, 200 дан ортиқ ёшларни касб-ҳунар эгаллашларига 300 га яқин ишчи-ходимларни турли ўқув курсларида малака оширишларига эришди. Ҳозирда фаолиятни кенгайтириб, иш ўринлар сонини 100 тага етказиш ва туман ёшларини юртимиздаги ва хориждаги исталган олий таълим муассасаларига кириш имкониятини яратиш мақсадида кенг қамровли ишларни олиб бормоқда. Муассасада аниқ, табиий ва чет тиллари фанларга ихтисослашган хусусий мактаб фаолияти йўлга қўйилган бўлиб, ўқувчи ёшлар малакали устозлардан сабоқ олмоқдалар. 

Туман ҳокими бу ердаги ёшлар билан учрашиб уларнинг сифатли таълим олишлари ва келажакда нуфузли Олий таълим муассасаларига давлат гранти асосида таҳсил олишларини тилади.

Шунингдек жамият томонидан Давлат ҳусусий шерикчилиги асосида йўлга қўйилган диогностика даволаш марказига ташриф буюриб, бу ерда беморларга кўрсатилаётган тиббий ҳизматлар билан танишдилар. Беморлар билан суҳбатлашиб, яратилган шароитларни ўрганди. 

Бизни ижтимоий тармоқларда кузатинг
Facebook | Telegram | Youtube