1. Бош сахифа
2. Янгиликлар

ҚУТЛУҒ МАҚОМ СОҲИБАЛАРИГА ЮКСАК ЭҲТИРОМ КЎРСАТИЛДИ

×

Фарғона вилояти ҳокими ташаббуси билан бошланиб, бугун бутун вилоятда кенг нишонланаётган “Оналарга эҳтиром” фестивали бу қутлуғ мақом эгаси бўлган азиз оналаримизга халқимизнинг юксак меҳри ва эътибори рамзи сифатида ўзгача шукуҳ билан давом этмоқда.

Қува туманидаги Ахмад Ал-Фарғоний мажмуасида ўтказилган “Оналарга эхтиром” фестивалининг туман босқичида махалла фуқаролар йиғинларида 200 га яқин онахонлар иштирок этди.

Шунингдек байрам тадбирида инсоний фазилатлари, самарали меҳнат фаолияти, оилада фарзандлар тарбиясидаги ибрати билан эл назарига тушган оналарга туман ҳокимлигининг ташаккурномаси ва эсдалик совғалари топширилди, эҳтиром гуллари улашилди. 

Туман маданият бўлимининг эл назарига тушган санъаткорлари, касб-ҳунар мактабининг ижодкор ўқитувчи ва ўқувчилари, мактабгача таълим ташкилотларининг ҳаваскор жамоалари томонидан оналарга эҳтиром рамзи сифатида тайёрланган адабий-бадиий дастур тақдим қилинди.

Оналарни улуғлаш ва шарафлаш, уларга эҳтиром кўрсатиш, қутлов совғаларини улашиш имконини бераётган, бу каби ишларни эзгу анъанага айлантираётган фетсиваль туманимиздаги маҳаллалар ва қишлоқлар, корхона, ташкилот ва муассасаларда давом этмоқда.

Бизни ижтимоий тармоқларда кузатинг
Facebook | Telegram | Youtube