1. Бош сахифа
2. Янгиликлар

ҚУВА ТУМАНИДА ПИЛЛА ЙИҒИМ ТЕРИМ МАВСУМИ БОШЛАНДИ.

×

Қува туманида пилла йиғим-терим мавсуми бошланди. Пиллакорларнинг кайфияти эса жудахам юқори. Сабаби йилда 30-32 кунда етиштириладиган ҳосил бу йил об-ҳавонинг яхши бўлганлиги учун 24-26 кун деганда етиштирилди. Бундан ташқари ипак қурти учун жуда ҳам зарур бўлган барг озуқаси вақтида етказиб берилди. Бугунги кунга келиб туманимиз пиллакорлари томонидан сифатли пилла маҳсулотлари етиштирилди.

Пишиб етиштирилган пиллаларни йиғиб теришга кўмак бериш учун қўни-қўшнилар, шунингдек туман ҳокими бошчилигида сектор раҳбарлари ва туман мутасаддилари ҳирмонга баракатилаб ушбу ҳонадонларга кириб келишмоқда. Пилла етиштиришнинг ўзига ҳос агротехникасидан унумли фойдаланаётганликлари эса, ютуқлар омили бўлаётганлиги соҳа соҳа вакиллари томонидан яна бир бор таъкидланмоқда.

Зотан ипак толаси саноатимиз тараққиётида ўзига ҳос ўрин тутади. 1 тонна пилладан 350 кг ипак, 21 минг метр адрас, 13 минг метр атлас каби 10 дан ортиқ маҳсулот олинади. Яна бир жиҳат, ипак қурти парваришлаган кишининг ҳонадонида йил давомида файз-у барака аримайди. Буни яхши англаган пиллакорларимиз мавсумни уюшқоқлик билан ўтказишга ҳаракат қилишмоқда.

Бизни ижтимоий тармоқларда кузатинг
Facebook | Telegram | Youtube