1. Бош сахифа
2. Янгиликлар

ИШСИЗ ЁШЛАРНИНГ БАНДЛИГИНИ ТАЪМИНЛАШ ЖАРАЁНЛАРИ ДАВОМ ЭТМОҚДА

×

Туманимизда ёшларни қўллаб-қувватлаш ҳамда уларнинг бандлигини таъминлаш борасида сектор раҳбарлари ва масъул раҳбарлар томонидан кенг кўламли ишлар амалга оширилмоқда.

Ҳусусан уларнинг бандлиги таъминланмоқда, имтиёзли кредит олиш ва дехқончилик билан шуғулланишлари учун ер майдонлари ажратилмоқда. Қува тумани 1-сектор ҳудудидаги 35 нафар ишсиз ёшларнинг қўшимча даромад манбаини яратишларига кўмаклашиш мақсадида турли меҳнат қуроллари тарқатилди. 

Бугун Қува тумани ҳокимлигида ўтказилган учрашувда туман ҳокими, 1-сектор раҳбари Х.Умаров, туман ҳокими ўринбосарлари Н.Умаров, М.Туримов, Ўзбекистон Ёшлар ишлари агентлиги туман бўлими ҳамда масъул ташкилот раҳбарлари иштирок этиб ушбу меҳнат қуролларини ёшларга топширдилар. Сектор раҳбари томонидан ёшларнинг талаб ва истакларидан келиб чиқиб 8 нафарига тикув машинаси, 5 нафарига кимёвий ишлов берувчи ва сепувчи дори аппарати ҳамда велосипед, 5 нафарига сварка аппарати, 5 нафарига ўтин ва дарахтларни аралайдиган мотопила, 2 нафарига мултикултуватор, 5 нафарига пишириқ печлари 2 та ярим тайёр мебелларга ишлов бериш асбоб ускуналари, 2 та карчер аппарати комплекти топширилди.

Бизни ижтимоий тармоқларда кузатинг
Facebook | Telegram | Youtube