Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
Спортчимиз томонидан яна бир ғалаба
2023-04-08 10:07:07 389
Айни кунларда Тошкент вилоятида жойлашган Янгиобод Республика ўқув-машғулот спорт базасида пара пауэрлифтинг бўйича Ўзбекистон чемпионати бўлиб ўтмоқда.
Бу сафарги мамлакат биринчилигида 300 нафарга яқин пара спортчилар ўз кучларини синовдан ўтказишмоқда.
Муросасиз беллашувларда ғолиб ва совриндор бўлган спортчилар медаль ҳамда махсус диплом билан тақдирланмоқда.
Энг қувонарлиси мазкур мусобоқада яна бир спортчи қизимиз навбатдаги ғалабани қўлга киритди. Қува тумани Ғалаба МФЙ да истиқомат қилувчи иқтидорли ёшларимиздан бири Ақидахон Ахтамова спортнинг ётиб тош кўтариш тури бўйича фахрли 1-ўринни қўлга киритди.
Ақидахон бугунги кунда Фарғона Давлат Университетининг 4-босқичида таҳсил олмоқда. Спортчимизнинг мақсади “Париж-2026” пара олимиая ўйинларида иштирок этиш. Ушбу йўналишда спортчимизга омад тилаймиз.
