1. Бош сахифа
2. Янгиликлар

СОҒЛОМ ҲАЁТ УЧУН 5000 ҚАДАМ!

×

Ўзбекистон Республикаси Вазирлар Маҳкамасининг “Ўзбекистонда соғлом турмуш тарзини кенг тарғиб қилиш ва аҳолини жисмоний тарбия ва оммавий спортга жалб қилиш тўғрисида”ги қарорига асосан, аҳолининг турли қатлами, хусусан, ёшлар ўртасида соғлом турмуш тарзини кенг тарғиб қилиш тизимини йўлга қўйиш, ёш авлодни ёт иллатлардан асраш, маҳаллалардан тортиб, таълим муассасалари, корхона ва ташкилотларда жисмоний тарбия ва спортни оммавийлигини ошириш, унинг фаолиятини самарали ташкил этиш тизимини шакллантириш вазифаси белгилаб берилган эди.

Шу муносабат билан Қува туман ҳокимлиги ва Жисмоний тарбия ва спорт бўлими ҳамкорликда аҳоли орасида соғлом турмуш тарзини тадбиқ этиш, жисмоний фаоллик ва улар ўртасида юришни тарғиб қилиш мақсадида бугун Қува туманида “Соғлом ҳаёт учун 5000 қадам” шиори остида ўзига хос юриш, бадантарбия машғулотлари ва спорт мусобақалари ўтказилди. Тадбирда туман ҳокими, сектор раҳбарлари ва 400 нафардан ортиқ аҳоли вакиллари иштирок этдилар.

Бизни ижтимоий тармоқларда кузатинг
Facebook | Telegram | Youtube