1. Бош сахифа
2. Янгиликлар

ТОШХОВУЗ МАХАЛЛАСИ АҲОЛИСИНИНГ МУРОЖААТЛАРИ ЎРГАНИЛДИ.

×

Ижтимоий тармоқлар орқали тумандаги Тошховуз махалла фуқаролар йиғининг Бирдамлик ва Ёшлик кўчаларида истиқомат қилувчи фуқаролар томонидан электр тармоқларини яхшилаш, ичимлик суви тармоғи тортиш, ички йўлларни асфальтлаштириш билан боғлиқ мурожаатлари юзасидан бир қанча мақолалар чоп этилди. Албатта бу эса ўз ўрнида кўплаб муҳокамаларга сабаб бўлди.

Мазкур мурожаатларни ўрганиш ва ҳал этиш чораларини кўриш мақсадида туман ҳокимлиги Ахборот ҳизмати томонидан тегишли туман ҳокими ўринбосари ва мутасадди идора раҳбарлари билан биргалик ушбу маҳаллага ташриф буюрдик ва аҳоли вакиллари билан учрашдик. Хақиқатда узоқ йиллар давомида тўпланиб қолган муаммолар аҳолини қийнаб келмоқда. Ушбу муаммоларни ўрганиш давомида қуйидагилар аниқланди.

        Бирдамлик ва Ёшлик кўчаларида бугунги кунда 200 дан ортиқ ҳонадон мавжуд бўлиб ичимлик суви тармоғи тортиш зарур. Бу бўйича тумандаги Саноатчилар МФЙ ҳудудида реконструкция қилинаётган сув қудуғи ишга тушиши натижасида мазкур махалла тўлиқ ичимлик суви билан таъминланиши тушунтирилди. Шунингдек 1000 метр электр тармоғи тортиш, 28 та сим ёғочлар ўрнатиш ва 1 дона мавжуд ТПни реконструкция қилиш ишлари жорий йилнинг 4-чорагига қадар амалга оширилади.

        Албатта ҳудудни инфратузилмасини яхшилаш аҳоли даромадларини ошириш борасида ҳам кўплаб ишлар амалга оширилган. Биргина маззкур ҳудуддаги 5 гектардан ортиқ майдонда жойлашган Дехқон бозори АЖга қарашли “мол ва қўй” бозорида бугунги кунда 30 дан ортиқ янги иш ўринлари яратилган.

        Лекин бу ерга олиб келувчи йўллар таъмирталаб ҳолга келиб қолган. Бугунги кунга қадар мазкур йўл кенгайтирилиб, кўча чироқлари ўрнатилган. Масъуллар томонидан ўрганилган йўлнинг 600 метр қисмини таъмирлаш зарурлиги аниқланди ва шағаллаштириш ишларини амалга ошириш бўйича келишиб олинди.

Қува туман ҳокимлиги
Ахборот ҳизмати

Бизни ижтимоий тармоқларда кузатинг
Facebook | Telegram | Youtube