1. Бош сахифа
2. Янгиликлар

ҚАҚИР МАХАЛЛАСИДА ФУҚАРОЛАР ИШТИРОКИДА “САЙЁР ҚАБУЛ” ЎТКАЗИЛДИ.

×

Фуқароларнинг мурожаатларини ўрганиш ва ҳал этиш чораларини кўриш мақсадида Қува тумани сектор раҳбарлари ҳудудларда аҳоли вакиллари билан учрашиб улар иштирокида “Сайёр қабул”ларни мунтазам ўтказиб келмоқдалар. Қува тумани ҳокими, 1-сектор раҳбари Х.Умаровнинг бу галги фуқаролар иштирокидаги қабули Қақир махалла фуқаролар йиғинида жойлашган 5 умумий ўрта таълим мактабида бўлиб ўтди. Фуқароларнинг муаммо ва мурожаатларига қонуний ечим топиш мақсадида уларнинг мурожаатлари тингланди.

150 нафардан ортиқ фуқаролар туман ҳокимига ўз масалалари бўйича мурожаат қилдилар. Хусусан, коммуникация тармоғини яхшилаш, тиббий ёрдам кўрсатиш, ёшга доир ва болалар нафақаси, моддий ёрдам, бандлик масалалари ва бошқа масалалар кўриб чиқилди.

Уларнинг айримларига жойнинг ўзида амалий ёрдам кўрсатилган бўлса, бошқаларига тегишли соҳа мутасаддилари томонидан ўрганиб чиқилиши учун фурсат белгиланди.

Бизни ижтимоий тармоқларда кузатинг
Facebook | Telegram | Youtube