Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
НАФОСАТ ВА ГЎЗАЛЛИК БАЙРАМИ!
2022-03-08 00:30:02 396
Одатда аёлни баҳорга, баҳорни эса аёлга қиёслашади. Зотан ўлкамиз узра муаттар сепини ёя бошлаган баҳорнинг илк кунлари айнан хотин-қизлар байрами билан бошланиши ҳам рамзий маъно касб этади. Аёли бор оила қут-баракали, файзли ва тароватли бўлади. Юртимиз ҳам, жамиятимиз ҳам аёл билан гўзалдир.
Бахорнинг илк кунларидан туманимизнинг қайси маҳалласи ва кўчасига кирсангиз байрам шодиёналари давом этмоқда. Жорий йилнинг 7 март куни туманимизнинг муҳташам кошоналаридан бири “Ўзбегим” тўйхонасида туманимизда узоқ йиллар мехнат қилган фахрий онахонларимиз, турли соҳаларда бугунги кунда самарали меҳнат қилиб келаётган ҳотин-қизларимиз ва фаол аёлларимиз учун байрам дастурхони ёзилди. Байрам тадбирида Қува туман ҳокими Халимжон Умаров ҳамда сектор раҳбарлари иштирок этиб “8-март-Халқаро хотин-қизлар куни” билан йиғилганларни муборакбод этиб уларнинг тимсолида туманимиздаги барча хотин қизларни байрам билан табриклади ва чуқур ҳурмат-эҳтиром ҳамда эзгу тилакларни билдирдилар. Йиғилганларга туман ҳокимлигининг байрам совғалари топширилди.
Тадбир куй-қўшиқларга уланиб кетти. Туманимизнинг ҳушовоз ҳонандалари ва маҳоратли раққосалари томонидан тақдим этилган куй-қўшиқ ва рақслар йиғилганларни мамнун этди.
