1. Бош сахифа
2. Янгиликлар

ҚУВАДА «ШАРАФ ЛЕНТАСИ» ТАРҒИБОТ АКЦИЯСИ ЎТКАЗИЛДИ.

×

Қува туманида Ўзбекистон ёшлар иттифоқи туман Кенгаши томонидан «Шараф лентаси» тарғибот акцияси ўтказилди.

9 май – «Хотира ва қадрлаш куни» ҳамда Иккинчи жаҳон урушида қозонилган Ғалабанинг 76 йиллиги олдидан ўтказилган тадбирда ёшлар, кенг жамоатчилик вакиллари иштирок этмоқдалар.

Мазкур тадбир юртдошларимиз, айниқса, ёшларда тарихимизга, бугунги бахтли ҳаётимиз учун курашган, меҳнат қилган мархум аждодларимиз хотирасига ҳурмат-эҳтиром туйғуларини янада мустаҳкамлашга хизмат қилади. Биз ёшлар, бугунги тинч ва фаровон ҳаётимиз учун дуогўй кексаларимиз, Иккинчи жаҳон уруши иштирокчиларига ҳар қанча эҳтиром кўрсатсак камлик қилади.

Акция иштирокчилари Қува туманининг марказий кўчларида, корхона ва ташкилотларда оммавий тарзда юртдошларимизни яқинлашиб келаётган фашизм устидан қозонилган Буюк ғалабанинг 76 йиллиги билан табриклаб, кўкракларига Ўзбекистон Республикаси байроғи акс этган ленталар тақиб чиқдилар.

Бизни ижтимоий тармоқларда кузатинг
Facebook | Telegram | Youtube