1. Бош сахифа
2. Янгиликлар

ҚУВА ТУМАНИДА 2515 ГЕКТАР ҚИШЛОҚ ХЎЖАЛИГИ ЕРЛАРИДА ТОМЧИЛАТИБ СУҒОРИШ ТЕХНОЛОГИЯЛАРИ ЖОРИЙ ЭТИЛАДИ.

×

Экинларни суғоришда илғор усуллардан ҳисобланган томчилатиб суғориш технологиясини жорий қилиш борасида туманимизда кенг кўламли ишлар амалга оширилмоқда. Томчилатиб суғориш усули ўзининг юқори самарадорлиги билан ажралиб туради. Яъни сув ресурслари чекланганлик шароитида кам сув сарфлаб, барқарор юқори ҳосил олиш имконини беради. Шу билан бирга, томчилатиб суғориш технологиясини жорий қилган фермер хўжаликлари, ушбу технология жорий қилинган ер майдони бўйича 5 йил муддатга ягона ер солиғи тўлашдан озод этилиши юзасидан Солиқ кодексига ўзгартиришлар киритилди. Буни яхши англаган миришкор фермерларимиз томонидан пахтачилик-ғаллачилик ва боғ майдонларида мазкур технологияларни жорий этиш бўйича ишларни бошлаб юбордилар. 

Тумандаги Қосим Карвон фермер хўжалигида вилоят прокурори ўринбосари Ф.Исмоилов, туман сектор раҳбарлари ва қишлоқ хўжалиги тизимидаги ташкилотлар раҳбарлари томонидан тумандаги фермер хўжаликлари раҳбарлари иштирокида дала шароитида ўтказилган семинарда ҳам фермер хўжаликлари ер майдонларида томчилатиб суғориш тизимини жорий этиш ва амалга оширилаётган ишларни жадаллаштириш юзасидан сўз юритилди.

Шунингдек семинар йиғилиши давомида 2021 йил ҳосили учун экилган ғўза майдонларида ғўзани саратонда суғориш ишларини тизимли ташкил этиш бўйича мутахассислар ва сектор раҳбарлари томонидан тегишли тавсиялар берилди.

Бизни ижтимоий тармоқларда кузатинг
Facebook | Telegram | Youtube