1. Бош сахифа
2. Янгиликлар

СЕНАТОР ҚУВА ТУМАНИ ФАОЛЛАРИ БИЛАН УЧРАШДИ

×

Жорий йилнинг 8 сентябр куни Қува тумани ҳокимлигида Ўзбекистон Республикаси Сенатида доимий асосда ишловчи сенатор Салимова Манзура Алимовна ҳамда Халқ депутатлари Фарғона вилояти Кенгаши депутати Мехмонова Дилором Дадажоновналар Халқ депутатлари Қува тумани Кенгаши депутатлари, туман фаоллари билан учрашув ўтказди. Учрашувда сенатор М.Салимова шу йилнинг 26-27 август кунлари ўтказилган Ўзбекистон Республикаси Олий Мажлиси Сенатининг ўн саккизинчи ялпи мажлисининг кун тартибига киритилган ва муҳокама этилган 18 та масала, жумладан, 8 та қонуннинг мазмуни ва моҳиятини учрашув қатнашчиларига батафсил тушунтиришди, иштирокчиларни қизиқтирган саволларга эса жавоблар берилди.

Учрашув якунида Ўзбекистон Республикаси Олий Мажлиси Сенати Кенгашининг 2021 йил 22 апрелдаги қарори билан тасдиқланган “Энг яхши ижтимоий ташаббус” республика кўрик-танловини ўтказиш бўйича Низомга асосан Сенатнинг Фан, таълим ва соғлиқни сақлаш масалалари қўмитаси томонидан эълон қилинган танловнинг туман босқичи ғолибларига эсдалик совғалари ва дипломлар топширилди.

Жумладан: “Энг яхши ижтимоий ташаббускор давлат бошқарув органи”  Туман адлия бўлими бошлиғи Абдувахопов Мирзохиджон Мадаминович, “Энг яхши ижтимоий ташаббускор нодавлат нотижорат ташкилоти” туман Қизил ярим ой жамияти ижрочи директори Абдурахмонова Махпиратхон Қўчқоровна, “Энг яхши ижтимоий ташаббускор тадбиркорлик субъекти” “Қувончбек Зохиджон фермаси” масъулияти чекланган жамияти раҳбари Хакимов Зохиджон Зокиржонович, “Энг яхши ижтимоий ташаббускор фуқаро” Намуна маҳалла фуқаролар йиғини раисининг оила, хотин қизлар ижтимоий, маънавий ишлар бўйича ўринбосари Тешабоева Этиборхон Собиржоновна, “Махалла беш ташаббус бешиги” Қайирма махалла фуқаролар йиғини раиси Маликова Салимахон, “Энг яхши ижтимоий ташаббускор ҳокимлик”  номинацияси туман ҳокимлигига топширилди.

Бизни ижтимоий тармоқларда кузатинг
Facebook | Telegram | Youtube