1. Бош сахифа
2. Янгиликлар

ҚУВА ТУМАНИДА 150 ЎРИНЛИ НОДАВЛАТ МАКТАГАЧА ТАЪЛИМ ТАШКИЛОТИ ОЧИЛДИ

×

Қува туманида 150 ўринли нодавлат мактагача таълим ташкилоти очилди

Қува тумани Турк махалла фуқаролар йиғинида истиқомат қилувчи аҳолининг бугун қувончи чексиз. Сабаби ҳудуддаги бўш турган бино иншоотида тадбиркор Миножатхон Холмирзаева томонидан янги, замонавий, 150 ўринли “Темурбеклар” нодавлат мактабгача таълим муассасаси қуриб битказилиб, фойдаланишга топширилди.

Боғчада барча шароитлар яратилган бўлиб, алоҳида овқатланиш хонаси, спорт зали ва рақс зали ҳам ташкил этилган.

Масканда таълим-тарбия жарёни илғор хорижий тажрибалар асосида олиб борилади. Рус, инглиз тиллари чуқур ўргатилади ва расм, бадиий гимнастика, рақс тўгаракларида малакали мутахассислар машғулот ўтиши кўзда тутилган.

Шунингдек, замонавий техника воситалари ва жиҳозлар билан таъминланган ўқув хоналари, ўйин аттракционлари, жонли бурчак барчаси болажонлар ихтиёрида.

Мухтасар айтганда, болаларнинг ҳар томонлама етук инсон бўлиб улғайишлари учун муассасада барча имкониятлар яратилган.

Таълим муассасасининг очилиш маросимида тадбиркор томонидан ҳудуддаги 2 нафар кам таъминланган эҳтиёжманд оила фарзандларининг суннат тўйлари ҳам миллий анъана ва урф одатлар асосида кўтаринки руҳда бўлиб ўтди. Тўй болалар ва уларнинг ота-оналари эсдалик совғалари ва сарболар совға қилинди.

Ўтказилган тантанали тадбирда туман ҳокими Х.Умаров, сектор раҳбарлари, ҳамкор ташкилотлар, маҳалла фаоллари ва оқсақоллари иштирок этдилар. Тадбир давомида сўзга чиққанлар туманимизда бундай бунёдкорлик ва хайрли ишлар бардавом бўлишлигини тилади.

Бизни ижтимоий тармоқларда кузатинг
Facebook | Telegram | Youtube