1. Bosh sahifa
2. Yangiliklar

“KAMALAK YULDUZLARI” TUMAN BOSQICHI O’TKAZILDI.

×

O’zbekiston Respublikasi Prezidenti tomonidan ilgari surilgan beshta muxim tashabbusning ijrosini ta'minlash, iqtidorli bolalarni aniqlash, ularning istedodlarni namoyish qilishlariga imkoniyati yaratish va qo’llab-quvvatlash, yosh avlodning madaniy saviyasini yuksaltirish, ularning ma'naviy  olamini boyitish, san'at va go’zallikka intilishni kuchaytirish, milliy san'at an'analari va yo’nalishlarini saqlab qolish, rivojlantirish va davom ettirish maqsadida tumandagi 13-Bolalar musiqa va san'at maktabida O’zbekiston Yoshlar ittifoqi Quva tuman Kengashi tomonidan “Kamalak yulduzlari” Respublika bolalar ijodiyot festivalining tuman bosqichi bo’lib o’tdi.

Festival doirasida 9-may “Xotira va qadrlash kuni” munosabati bilan mazkur maktabning iqtidorli yoshlari tomonidan tayyorlangan ma'naviy-ma'rifiy tadbir yig’ilganlarga o’zgacha kayfiyat bag’ishladi. O’tkazilgan tadbirda Quva tumani hokimi X.Umarov hamda sektor rahbarlari ishtirok etdilar. Festivalning tuman bosqichida g’oliblikni qo’lga kiritib viloyat bosqichiga yo’llanmani qo’lga kiritgan iqtidorli yoshlar tuman hokimi va sektor rahbarlarining esdalik sovg’alari bilan taqdirlandilar.

Bizni ijtimoiy tarmoqlarda kuzating
Facebook | Telegram | Youtube