1. Bosh sahifa
2. Yangiliklar

Янгиҳаёт маҳалласида янги кутубхона иш бошлади

×

Ёшларнинг бахту камоли, осойишта ва фаровон ҳаётида китобнинг алоҳида ўрни бор. Чунки яхши китоб инсонда Ватанга муҳаббат, миллий ва умуминсоний қадриятларга ҳурмат туйғуларини юксалтириб, яхшилик ҳамда эзгуликка ундайди.

Мамлакатимизда китобхонлик маданиятини юксалтириш борасида бошланган саъй-ҳаракатлар, эзгу ташаббуслар замирида ҳам юртдошларимиз, айниқса, ёш авлоднинг маънавий дунёсини бойитиш, билим ва дунёқарашини юксалтириш каби мақсадлар мужассам. Президентимиз томонидан илгари сурилган бешта муҳим ташаббусдан бири ҳам бевосита мазкур масалага дахлдор.

Ушбу амалий ишлар давоми сифатида Қува тумани ҳокими, 1-сектор раҳбари Халимжон Умаров ташаббуси билан сектор ҳудудидаги Янгиҳаёт махалла фуқаролари йиғини хамкорлигида ахоли орасида зиё улашиш мақсадида кутубхона ташкилланиб фойдаланишга топширилди.  

Очилиш маросими муносабати билан ўтказилган тадбирда туман ҳокими ўринбосари Мадиёржон Туримов, туман ҳокимлигининг масъул ҳодимлари, маҳалла фуқаролар йиғини раиси ва фаоллари иштирок этдилар.

Кутубхона очилиши муносабабти билан туман ҳокими ҳамда хамкор ташкилотлар томонидан бадиий китоблар жамланмаси совға қилинди.