Quva tumani, Kattaqishloq MFY, Yangiyo‘l ko‘chasida yashovchi fuqarolar umumfoydalanuvdagi yo‘llarda yomg‘ir suvlari to‘planib qolishi natijasida noqulayliklar keltirib chiqarayotganligidan shikoyat qilishgan. Mazkur murojaat bo‘yicha tuman prokurori S.Aminjonov rahbarligida o‘rganilib, ushbu ko‘chani sektor rahbari tashabbusi bilan 20 mln. so‘mga yaqin homiylik mablag‘lari hisobidan 300 metr qismiga beton ariq yotqizilishi ta‘minlandi. Buning natijasida, suvlar yo‘lga to‘planmaydigan, aksincha ushbu suvlar tomorqani sug‘orish uchun ishlatiladigan, Muhtaram Prezidentimizning PQ-1-sonli qarorlari asosida "Xavfsiz yo‘lak" tashkil etiladigan bo‘ldi. Shuningdek, mazkur ishlar tuman prokuraturasi xodimlari, mahalla ettiligi hamda mahalliy aholi bilan xashar yo‘lida amalga oshirildi. Hozirda ushbu yo‘nalishdagi ishlar prokuratura organlari tomonidan tashkil etib kelinmoqda.