Qo‘shtepa tuman hokimi Anvarjon Abdullayev tomonidan Qurbon hayiti arafasida o‘zgacha ruhda o‘tgan samimiy uchrashuv chog‘ida tumanimizda istiqomat qiluvchi Atillayev Farxodjon Soliyevichga rasmiy Tashakkurnoma hamda “Vatan himoyachisining otasi” ko‘krak nishoni tantanali ravishda topshirildi. Mazkur e’tirof O‘zbekiston Respublikasi Mudofaa vazirligi Toshkent harbiy okrugi 71201-harbiy qismda xizmat qilayotgan kichik serjant Soliyev Qudratillo Farxodjon o‘g‘lining fidokorona harbiy xizmatlari, Vatan himoyasi yo‘lida ko‘rsatayotgan jasorat va sadoqati munosabati bilan taqdim etildi. Tuman hokimi marosim davomida harbiy xizmatchilarning ota-onalari yurt himoyasiga xizmat qilayotgan farzandlar bilan faxrlanishga haqli ekanini ta’kidladi. Farhodjon Soliyevichga va uning oilasiga samimiy minnatdorchilik bildirib, Qurbon hayiti bilan muborakbod etdi.