Quva tumani hokimi Xalimjon Umarov O‘zbekiston Respublikasi Prezidentining Quva tumanidagi Xalq qabulxonasida fuqarolar bilan ochiq muloqot tarzida kunlik qabul o‘tkazdi. Qabul jarayonida turli yo‘nalishlardagi masalalar — ish bilan ta‘minlash, uy-joy, sog‘liqni saqlash, ta‘lim, kommunal xizmatlar, yo‘l infratuzilmasi hamda shaxsiy muammolar yuzasidan fuqarolar tomonidan ko‘tarilgan murojaatlar tinglandi. Xokim tomonidan har bir murojaat batafsil o‘rganilib, joyida echim topish chora-tadbirlari belgilandi. Ayrim masalalar tuman mutasaddilarining ishtirokida ko‘rib chiqilib, hal etish uchun tegishli tashkilot va idoralarga topshiriqlar berildi.