Dang‘ara tumani sport maktabida ommaviy sporti xisoblangan Gandbol turi bo‘yicha tuman bosqichi o‘tkazildi. Dang‘ara tumani Milliy Gvardiya tashabbusi bilan, tuman yoshlar ishlari agentligi hamda tuman sport maktabi hamkorligida uyushmagan yoshlar o‘rtasida sog‘lom turmush tarzi va ommaviy sportni rivojlantirish, ularning bo‘sh vaqtlarini mazmunli o‘tkazish maqsadida sportning gandbol turi bo‘yicha tuman bosqichi o‘tkazildi. Dastlab sportning gandbol turi bo‘yicha 14 yoshlilar o‘rtasida o‘tkazilgan “O‘zbekiston kubogi” musobaqasida faxirli 1 o‘rinnni egallagan Farg‘ona viloyati terma jamoasi tarkibidagi Dang‘ara tumani sportchilari tantanali kutib olindi. Jismoniy tarbiya va ommaviy sport bilan muntazam shug‘ullanishni targ‘ib etish, yoshlarning sog‘lom turmush tarzi bo‘yicha hayotiy ko‘nikmalarini shakllantirish va sportga bo‘lgan qiziqishlarini yanada oshirish orqali sog‘lom raqobatni yo‘lga qo‘yish ko‘zda tutilgan bellashuv davomida har bir jamoa aniq maqsad yo‘lida birlashib, g‘oliblik uchun astoydil kurash olib borishdi.