Ўзбекистон Республикаси Президенти Шавкат Мирзиёев раҳбарлигида ўтказилган “Мева-сабзавот ва озиқ-овқат маҳсулотлари экспортини кўпайтиришда янги захира ва имкониятларни ишга солиш” мавзусидаги видеоселектор йиғилишида берилган топшириқлар ижросини таъминлаш мақсадида Ўзбекистон Республикаси Президенти Админстрацияси ишчи гуруҳи вакиллари, вилоят божхона бошқармаси ҳамда туман ҳокими иштирокида Қува туманида фаолият юритаётган саноат ва экспорт корхоналари раҳбарлари билан очиқ мулоқот ташкил этилди. Ўтказилган учрашувда тадбиркорлар томонидан ишлаб чиқариш жараёнлари, экспорт соҳасидаги муаммолар, логистика ва молиявий масалалар, маҳсулотларни қадоқлаш ва ташқи бозорларга чиқиш имкониятлари атрофлича муҳокама қилинди. Учрашувда тадбиркорларга давлат томонидан тақдим этилаётган имкониятлар, имтиёз ва қўллаб-қувватлаш механизмлари юзасидан батафсил тушунтиришлар берилди.