Семинарда Фарғона вилояти Ўсимликлар карантини ва ҳимояси бошқармаси бошлиғи ўринбосари Э. Турсунқулов, қишлоқ хўжалиги маҳсулотларини етиштирувчи корхона ва ташкилотлар, фермер хўжаликлари раҳбарлари, экспортчи тадбиркорлар ҳамда соҳага масъул ташкилотлар вакиллари иштирок этдилар. Семинар давомида қишлоқ хўжалиги маҳсулотини етиштиришда замонавий ёндашувларни қўллаш, фитосанитар талабларга риоя этиш, ресурслардан самарали фойдаланиш масалалари юзасидан маълумотлар берилди. Шунингдек, экспорт жараёнларини ташкил этиш, маҳсулотларни халқаро стандартлар талаблари асосида тайёрлаш ва сертификатлаштиришнинг амалий жиҳатлари тушунтирилди. Семинар якунида иштирокчиларнинг саволларига соҳа мутахассислари томонидан батафсил жавоблар берилди.