Рақамли келажак сари қадам: ёшлар учун янги имкониятлар Қува тумани ҳокими Халимжон Умаров туманда фаолият юритаётган АЙ-ТИ марказлари фаолияти билан танишди. Ташриф давомида марказларда ёшлар учун яратилган замонавий шарт-шароитлар, ўқув жараёнлари ҳамда ахборот технологиялари соҳасида амалга оширилаётган ишлар кўздан кечирилди. Марказларда ёшларга дастурлаш, график дизайн, робототехника ва бошқа замонавий йўналишлар бўйича билим ва кўникмалар бериш, уларнинг рақамли технологияларга бўлган қизиқишини оширишга алоҳида эътибор қаратилаётгани таъкидланди. Шунингдек, ташриф давомида ёшлар яратилган имкониятлардан самарали фойдаланиб, ўз билим ва маҳоратини ошираётгани, турли инновацион ғоя ва ташаббуслар устида иш олиб бораётгани билан танишилди. Марказларда яқин вақт ичида амалга оширилиши режалаштирилаётган янги лойиҳалар ҳам тақдим этилди. Туман ҳокими ёшларнинг ахборот технологиялари соҳасида билим олиши, рақамли кўникмаларини ривожлантириши ва келгусида замонавий касб эгалари бўлиб етишишлари учун бундай марказларнинг аҳамияти катта эканини таъкидлади. Бугунги кунда туманда ёшларни замонавий билимлар билан қуроллантириш, уларнинг ташаббус ва ғояларини қўллаб-қувватлаш ҳамда рақамли иқтисодиёт талабларига мос кадрлар тайёрлаш борасида кенг кўламли ишлар амалга оширилмоқда. Бу эса ёшларнинг келажакка ишонч билан қадам ташлашига мустаҳкам замин яратмоқда. 🚀