Xitoy Xalq Respublikasida amaliy tashrif bilan bo‘lib turgan Farg‘ona viloyati delegatsiyasi bilan o‘tkazilgan uchrashuvlarda bu borada samarali kelishuvlarga erishildi. Viloyat hokimi Xayrullo Bozorov Shandun provinsiyasi Szinan shahrida o‘ttizdan ortiq kompaniya va ishbilarmon doira vakillari bilan yuzma-yuz muloqotda bo‘ldi. Unda qurilish, sanoat, mashinasozlik, elektrotexnika, mehmonxonalar qurish, qurilish mahsulotlari ishlab chiqarish kabi yo‘nalishlardagi investitsiyaviy loyihalar muhokama etildi. Har bir loyiha bo‘yicha bildirilgan takliflar asosida chora-tadbirlar ishlab chiqish belgilandi.